Piedra Plat:
Diabierna den oranan di atardi, polis a logra pone man riba un sospechoso di joyriding. Esaki a sosode dilanti di un bar na momento cu e sospechoso a bay dal algun drinks cu su amigo.
Algun siman pasa doño di un Ford Fiesta a raporta na polis cu su auto a wordo y despues camaranan di seguridad a capta varios imagen con un homber a laga e auto aki atras. E homber aki probablemente a pensa cu autoridad no lo sigui busk’e como sospechoso di Joyriding. Diabierna den oranan di atardi su number a hunga, na momento cu e la bay dal algun drinks cu su amigo na e bar na Piedra Plat. Net na e momento ey e recherchenan di Joyriding cu tabata tratando e caso aki, a bin topa cu ne. Mesora nan a acerca e sospechoso y a detene como sospechoso di joyriding.
Varios unidad di polis y tambe recherchenan a presenta na e sitio. Den e pickup cu e sospechoso a yega cu ne tabata tin un amigo di dje sinta. Polis a acerk’e y a bise cu su amigo ta deteni como sospechoso di joyriding di e Ford Fiesta di algun siman pasa.
Actualmente polis ta man yen cu joyriding/ladronicia di auto, aparentemente lo ta trata di 5 pa 6 pa luna. Recherchenan di e team di Joyriding ta investigando varios ladronicia di auto y poco poco ta deteniendo e sospechosonan.
