Home » Partido MEP: PARTIDO MEP TA CONTENTO DI MIRA CU SETTY TA RECUPERANDO

Partido MEP: PARTIDO MEP TA CONTENTO DI MIRA CU SETTY TA RECUPERANDO

by Admin
0 comment 144 views

 

‘Nos ta aprecia bo dedicacion y compromiso pa sigui traha representando pueblo den Parlamento’

Durante e reunion publico den Parlamento diaranson 5 di juli, a trata e ley di BBO na Frontera. Partido MEP ta gradici Gobierno di Aruba y e profesionalnan di nos pais cu a traha duro riba e solucionnan pa nos pais. BBO na frontera ta un solucion cu menos impacto. Parlamentario Setty Christiaans Yarzagaray, despues di algun siman di kibrante di salud, tawata na Parlamento tambe pa tuma parti na e reunion importante aki. Durante su disertacion, el a gradici tur hende pa nan sosten y principalmente oracion. Parlamentario Yarzagaray a expresa di ta lamenta cu oponentenan y un prensa cumpra a chercha di su malesa, a specula cu e lo retira di Parlamento, casi a pidi pa e muri. Pero, el a bin bek mas fuerte.

Parlamentario Yarzagaray a enfoca riba e decisionnan dificil cu Gobierno mester tuma pa soluciona e problemanan den nos pais. El a indica cu e cambio di ley di BBO aki no ta djis pa pret. E ta necesario pasobra awor e factura di e mal maneho financiero di gobierno di AVP a wordo presenta. E debe cu ex prome minister Mike Eman a indica cu el a traha cu “orguyo” pa nos tur bay page y e factura aki mester wordo paga, cu orguyo of sin orguyo. Setty a mustra cu cifras cu BBO na Frontera berdad ta e solucion cu ta bay tin menos impacto riba comunidad.

Partido MEP ta contento di mira cu Setty ta recuperando y ta aprecia su dedicacion y compromiso pa sigui traha representando pueblo den Parlamento.

 

 

LINK DI DISERTACION DI PARLAMENTARIO SETTY CHRISTIAANS YARZAGARAY: Link lo espira den 7 dia

https://we.tl/t-tIcCfhf43y

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio