Cuerpo Policial ta di luto: Agente policial A.Lake a fayece awe tardi na su cas

Schotlandstraat – Diaranson atardi polis y tambe dos ambulance a bay un adres ariba Schotlandstraat. Eynan un agente policial di rango halto lo a bira malo.

A resulta cu despues di basta rato cu Paramediconan y tambe coleganan tawata na e cas nan colega a fayece.

Segun informacion, e agente di fam Lake lo tawata malo caba.

E agente Alvin “Benz” Lake tawata labora na warda di Shaba y ta un persona cu a lanta den Dakota tegenover di Misa Fatima.

Arubanative.com ta manda palabra di condolencia y forsa na famia di Alvin “Benz” Lake.

Condolencia tambe na henter Cuerpo Policial cu e fayecimento di nan colega.