Home » Chauffeur transporta pa warda di polis, despues cu e la cay cu auto den lama

Chauffeur transporta pa warda di polis, despues cu e la cay cu auto den lama

by Admin
0 comment 212 views

Arashi
Diaranson den careda di 9 or di mainta, chauffeur di un auto pa un of otro motibo a sigui straight cay den lama panort di Arashi. Pa ser exacto den e bocht na e cabes di Aruba. Na prome instante a pensa cu e chauffeur a keda pega den e auto y mirando e impacto fuerte tabata mustra cu e chauffeur ta herida.

Mesora pidi pa presencia di polis, brandweer y ambulance.

E chauffeur a logra sali di e auto, e la subi e barancanan y asina a subi tera. E tabata tin algun rasca na su curpa.

Na yegada polis a cera e caminda pa asina por haci e investigacionnan necesario. Paramediconan di ambulance a trata e chauffeur masculino na e sitio. Brandweer tambe a presenta pero ya e chauffeur a sali caba for di e auto. E auto si tabata imposibel pa nan a saca e momento ey for di lama.

Lo mester haci esaki cu un maquinaria grandi. E motibo pakiko e chauffeur a drenta lama cu su auto no ta conoci.
Polis no a pone den boei pero a pidi transportwagen pa transport’e pa warda di polis.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio