Ohio, Monroe
Diabierna anochi a sosode un tiroteo, asina autoridad a di municipio Estadounidense di Monroe (Ohio) a confirma.
E hecho tragico a wordo protagonisa pa un homber cu a asesina su tres yuinan menor di edad.
Segun informacion, e homber a pone e muchanan di 3, 4 y 7 aña di edad para den un rij prome cu e la ehecuta nan cu un rifle, asina a autoridad a bisa.
E asesino cu ta e tata di e muchananan, un homber di 32 aña, kende a wordo aresta sin niun incidente despues cu polis a yega na e cas di famia.
Ademas, a detaya cu e mama di e victimanan, un muhe di 34 aña, ta wordo trata den hospital pa un herida di bala na su man.
Segun medionan local, e muhe a yama polis poco despues di 16.00 ora local (20.00 GMT) y ta bisanan cu e la “tira mi baby den su cabes”.
Segun e informacion cu a worde duna, e agentenan a haña e tres muchanan cu a muri den e cura di e cas, cu heridanan di bala. Manera nada un pasa a bin haña e homber sinta na entrada di e cas; e ta worde acusa di tres cargo di pisa di asesinato.
E fiscal di e condado di Clermont, Mark Tekulve, a expresa su preocuapacion y empatia pa e mama cu a presencia e evento horibel aki. Ta di compronde cu ta trata un experiencia traumatico grandi.
Fiscal a confirma tambe cu lo hasi tur lo posibel pa asina e ricibi e castigo maximo y pa un caso asina aki nunca mas ripiti.