131
Santa Cruz – Diamars merdia doño di un vehiculo marca KIA a pidi asistencia di Polis, na momento cu patras den su auto e ta haya un arma di candela.
Esaki a pone e doño bay den “panico”, debi cu e no ta hende di problema y no tin problema aparentemente cu niun hende.
Polis cu a yega na e sitio, a pidi pa e otro departamentonan manera recherche y tambe departamento tecnico.
E persona a splica Polis si cu e auto su glas no ta cera o sea cu constant e glas ta baha, y posiblemente di e manera ey un hende lo por a pone eyden.
Autoridad despues di haci un investigacion cortico, a confisca e arma di candela. No ta conoci ki arma e ta y tampoco e caliber.
Un caso cu mester bisa no usual.
