Home » Minister Ursell Arends: Adresando e Desafionan di Embehecimento

Minister Ursell Arends: Adresando e Desafionan di Embehecimento

by Admin
0 comment 156 views

Den nos sociedad nos sa tende hopi anecdota di soledad y negligencia ora ta trata di nos adultonan mayor. E tema aki cu ta cerca di cada un di nos curason, ta uno cu Gobierno di Aruba ta comprometi pa atende cu’ne y trece un cambio aden.

 

Diabierna mainta Ministerio di Adulto Mayor a tuma un paso significante pa cu e cuido di nos grandinan. Durante ministerraad a presenta  e maneho nobo unda ta enfoca riba cuido adecua na e luga adecua y perspectiva social di embehecimento y cuido. Cifranan di embehecimento ta sigui subi y proyeccionnan pa 2040 ta mustra cu mas di un cuarto di Aruba su poblacion lo ta personanan 60+. Esaki ta bin cu retonan cu mester ta prepara p’e. 

 

Mester bin cu alivio na e problematica di servicio di cuido cu ta tarda hopi y keda pega, door di laga adultonan mayor keda mas largo posibel den nan ambiente propio. Estudionan ta demostra cu adultonan mayor cu ta embehece den ambiente propio tin menos chens riba depresion, deterioracion cognitivo y ta goza di un miho calidad di bida.

 

E manera pa logra esaki ta pa brinda nos grandinan un miho apoyo social y practico na cas. Tambe nos por pensa riba mas inclusividad y participacion di nos grandinan den nos sociedad. Na banda di un miho calidad di bida pa nos adultonan mayor, otro beneficio cu esaki lo trece ta un alivio riba nos cuido medico.

 

Ariba mesun dia, Minister Arends a reuni cu e comision ‘Cuido den Perspectiva’ cu tin como tarea pa presenta recomendacion y accion concreto pa promove continuidad di cuido pa adulto mayor. 

 

E comision ta consisti di shete miembro:

 

  • Mediador di Gobierno, Sr. Anselmo Pontilius (Voorzitter) 
  • Sr. Jossy Figaroa (vice- voorzitter) 
  • Sr. Israel Posner
  • Sr. Jossy Lacle
  • Sr. Ireno (Ivo) Valdes
  • Sr. Javier Wolter
  • Sra. Sharine Luydens

 

Algun di e puntonan cu tin prioridad ta e ampliacion di e cantidad di cama pa adulto mayor, calculacion di costonan pa cu esaki y restructuracion di recursonan asigna pa maneho di adulto mayor. 

 

“A yega tempo pa duna nos grandinan e cuido y balor cu nan merece y nos no lo descansa te ora cu logra esaki”, Minister Arends ta enfatisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio