Sero Pita – Diabierna atardi rond di 4:30 e crusada conoci na Sero Pita ta bolbe ta den luz negativo, unda cu un otro accidente pa falta di preferencia a sosode.
Un accidente hopi fuerte a sosode diabierna atardi, momento cu habitantenan a scucha un zonido duro cu a resulta di tawata un accidente entre dos auto. Mesora habitantenan a bati alarma na 911.
Ambulance tawata prome na e sitio, y ta constata cu tin dos persona levemente herida. Mirando e impacto, si tawata tin hende sinta unda e pick up dal por a resulta seriamente herida.
Locual nos por a mira un biaha mas, mescos e otro accidentenan ta cu e Hyundai H1 a subi e crusada, net momento cu e pickup Nissan tawata yegando.
Por mira cu e pickup a dal net memey di e Van mande bay pega den mondi.
Debi na e impacto fuerte, diesel di e Van a cuminsa basha y mester a pidi presencia di Brandweer pa trata cu ne.
Un segundo ambulance a presenta, pa transporta un herido di e Van y un herido di e pickup.
Polis di trafico tambe mester a presenta ta haci su investigacion.
Mescos den e casonan anterior nos ta sigui bisa, mester haci algo cu crusada, sea pone borchinan mas duidelijk of manera ta haciendo na e otro areanan unda hopi accidente ta sosode, construi un rotonde.
