Home » Di dos sesion exitoso di DMH y e scolnan preparatorio

Di dos sesion exitoso di DMH y e scolnan preparatorio

by Admin
0 comment 76 views

 

Luna di mei a sera y Departamento di Mucha y Hoben (DMH) a logra cumpli cu su meta di tene di dos sesion di Kibra Cabes cu e cabesante- y maestronan di e scolnan preparatorio. Meta tabata pa yega na un sistema/proceso di ‘warme overdracht’ di centro di cuido di mucha pa kleuter.

For di momento cu DMH a presenta e trayecto aki den luna di maart na e directivanan di scol, e entusiasmo y positivismo tabata halto y DMH ta gradici un bes mas e cabesante- y maestronan di scol preparatorio (kleuterscholen) di DPS, SKOA, SPCOA p’e oportunidad aki brinda. A conta cu un total di 16 maestro/cabesante representando asina 10 di e scolnan preparatorio.

Durante e di dos sesion a presenta e resultado di loke ta e proyecto di Intervencion Trempan y DMH tabata tin como meta pa por yega na inventarisa e tipo di factornan relevante pa tin den un kindvolgsysteem/kinddossier nacional segun e necesidadnan relevante di informacion p’e scolnan, pero tambe pa delinea un sistema nacional/uniforme di traspaso oficial (warme overdracht)di centro di cuido di mucha/cas pa scol preparatorio.

E atardi a bay uno hopi ameno y agradabel y sigur fructifero, mirando cu den un forma digital, tur esnan presente por a yena un encuesta y aki ta caminda cu por a vocifera/skirbi nan contesta riba e metanan menciona.

Siguientmente DMH lo inicia cu e e dos sessionnan aki cu e otro stakeholder, cu ta hunga un rol crucial den e inventarisacion aki durante aña 2023. Sin laga afor, cu e mayornan mas despues tambe lo wordo acerca, pa asina finalmente DMH tin un perspectiva di tanto mayor, scol preparatorio, centro di cuido di mucha combina cu literatura.
DMH kier a gradici un y tur cu tabata presente na e atardi aki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio