Home » Centro di Bario Savaneta cu celebracion di Dera Gay

Centro di Bario Savaneta cu celebracion di Dera Gay

by Admin
0 comment 29 views

 

Centro di Bario Savaneta ta ofrece diferente actividad durante aña pa grandi y chikito. Diasabra 24 di juni proximo, Centro di Bario Savaneta ta celebra Dera Gay en grande cu diferente entretenimento pa deleita e publico presente. 

E actividad di Dera Gay ta di 6or di atardi pa 10or di anochi, cuminsando cu entretenimento pa Tipico Pegasaya, sigui pa Grupo di Baile Masiduri, Grupo Nos Cultura y Ivy y su Grupo. Bar y cushina lo ta bon surti. Entrada ta completamente gratis. 

Durante e evento tambe lo tin competencia di baile di Dera Gay den categoria infantil, hubenil y adulto y premio pa miho trahe di Dera Gay. Pa participa na e competencia por inscribi na 594-4570. 

Meta di e actividad aki ta pa promove nos cultura y tradicionnan como tambe recauda fondo pa por inverti den e mantencion di e edificio y veld deportivo na Centro di Bario Savaneta. 

Un y tur ta cordialmente invita pa bin pasa un rato ameno den compania di famia y amistadnan. Like e pagina di Facebook di Centro di Bario Savaneta y keda al tanto di e diferente actividadnan cu Centro di Bario Savaneta ta ofrece na henter e comunidad di Aruba, en particular esnan di e bario Savaneta y bisindario. 

You may also like

Our Company

Aruba Native News & Trends.Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio