Home » Vakantie no a ni cuminsa; Hoben(16) hinca den garganta diasabra anochi

Vakantie no a ni cuminsa; Hoben(16) hinca den garganta diasabra anochi

by Admin
0 comment 241 views

Palm Beach – Diasabra anochi varios unidad policial y tambe ambulance a bay den un caya den Palm Beach, unda cu un persona lo a yega cu un herida na su garganta.

 

Na yegada di patruya nan a constata cu ta trata di hoben di 16aña, cu lo a wordo hinca un caminda den su garganta.

 

Polisnan a logra saca algun informacion di e mucha, cu a papia cu e incidente lo a tuma luga altura di Palm Beach Plaza.

 

E la bisa tambe cu aparentemente lo tawata trata di un grupo grandi di hobennan di Dakota.

 

Despues cu e la wordo hinca asina mes e la logra crusa caminda y yega den un caya poco mas panort di Wendy’s Palm Beach, unda cu polis y Paramediconan a bin haye.

 

E area a wordo cera cu lint geel, pa asina investigacion cuminsa.

 

Despues di a stabilisa e hoben por a mira cu e ambulance a sali cu urgencia direccion Hospitaal. No ta conoci e gravedad di e hinca.

 

7 hoben deteni

Polis a logra pone man ariba 7 hoben, esakinan a wordo deteni ariba tereno di dos hotel, tur a wordo treci warda di Shaba.

 

Muy probablemente esun cu a propina e hinca lo por ta entre e grupo treci warda. Nos no por bisa si e grupo aki tur ta menor di edad si of no.

 

Un apelacion ta bay na mayornan, vakantie ta den porta y lo ta bon pabo sa cu kende bo yiu ta sali ariba weekend. Unda e ta bay y ki ora e mester ta na cas bek(si e ta menor).

 

Comunicacion entre mayornan cu yiu ta sumamente importante, mester tin e confiansa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio