Home » Hoben(17) ta perde su bida den accidente frontal na Savaneta

Hoben(17) ta perde su bida den accidente frontal na Savaneta

by Admin
0 comment 247 views

Savaneta – Diadomingo mainta trempan Aruba a conoce su di 4 morto den trafico, den un lapso di 3 ora. E prome a sosode algo pasa di 3’or di marduga ariba Avenida Nelson O.Oduber(antes Sasaki).

Eynan un Nissan March maneha pa un homber hoben bou e nomber di Ray Zambrano ta perde su bida, despues cu su Nissan March a baha caminda y bay dal contra un mata di kwihi.

Savaneta accidente frontal

Algo pasa di 6’or di mainta polis a wordo manda cu urgencia dilanti Wintergarden Supermarket na Savaneta, pa un accidente serio di trafico.

Na yegada polis ta mira cu ta trata di un accidente frontal entre un truck di BSL Laundry y un Kia Rio color cora.
A pidi ambulance cu urgencia.

Lamentablemente mucho cos no por a wordo haci, debi cu e chauffeur un hoben(17) a fayece.

Segun testigo na e sitio

Na e sitio un testigo a conta nos cu e hoben lo no a fayece mesora, debi cu ora cu e accidente a sosode e la bay wak y e hoben ainda lo tawata halando rosea, pero lamentablemente un rato despues e ta fayece.

Ta mustra cu e Kia Rio a bay completamente na su man robes y dal contra e truck di BSL Laundry.

Dos dokter a presenta na e sitio, uno ta e dokter forensico y tambe dokter Mungra, cu tambe a constata morto di na e accidente anterior ariba Avenida Nelson O.Oduber.

Departamento Tecnico y departamento di trafico, Fiscal V.der Biezen y tambe Slachtofferhulp tur a presenta na Savaneta.

Investigacion lo mester bay saca afo kiko exactamente a sosode den e accidente aki cu a bira e di 4 morto den trafico na Aruba.

Arubanative.com ta manda palabra di condolencia na famia di e fayecido.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio