Home » E SIMAN AKI TIN REUNIONNAN ANDANDO TOCANTE REFORMANAN Y E AGENDA DI EHECUSION

E SIMAN AKI TIN REUNIONNAN ANDANDO TOCANTE REFORMANAN Y E AGENDA DI EHECUSION

by Admin
0 comment 132 views

Tijdelijk Werkorganisatie (TWO) di Hulanda y Aruba conhuntamente cu grupo di expertonan ta den dialogo

 

ORANJESTAD – E siman aki trabounan pa loke ta reformanan den cuadro di landspakket ta tumando luga. Tijdelijk Werkorganisatie (TWO) Hulanda conhuntamente cu Tijdelijk Werkorganisatie (TWO) Aruba y primordialmente grupo di expertonan local, ta preparando riba e siguiente agenda di ehecusion. Esaki ta e prome sesion cu ta tumando luga desde cu a firma e acuerdo mutuo 4 di april 2023 den cual a duna contenido na e forma di traha basa riba respet mutuo. 

 

Den e siguiente dianan e profesionalnan lo tin un programa yen, caminda cu lo trata diferente tema relaciona cu entre otro reforma financiero, con pa reforsa e aparato gubernamental y tambe Aruba su estado di derecho. 

E sesionnan lo ta dirigi riba contenido pa traha e siguiente agenda di ehecusion, pero tambe e lo ta dirigi riba metodonan di planificacion cu yama “theory of change”. Asina lo kier conecta e diferente reformanan cu e vision nacional pa e proyectonan y e reformanan ta cuadra cu e vision di locual cu Aruba tin su dilanti. 

 

TWO-AUA

E ekipo local  a expresa cu ta importante pa e dialogonan aki tuma luga pa asina hunto por yega na palabracionan entre Aruba y Hulanda acerca di e reformanan. Teniendo na cuenta loke ta importante pa Aruba y tambe pa haya sa unda tin mester di mas colaboracion . E temanan cu lo trata den e diferente sesionnan ta enfoca riba temanan specifico incluyendo enseñansa, desaroyo economico, mercado laboral y social. 

 

Den transcurso di siman lo duna mas informacion di e trabounan specifico cu ta wordo haci. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio