Home » Premier Wever-Croes a haya presentacion riba Union Europeo

Premier Wever-Croes a haya presentacion riba Union Europeo

by Admin
0 comment 125 views

Den Haag  – Minister Plenipotencisario mr. Ady Thijsen den su funcion tambe como Representante di Aruba na Union Europeo a tene un presentacion na Prome Minister Mr. Evelyn Wever-Croes riba actual desaroyonan cu ta tumando lugar na Union Europeo y principalmente na e organisacion OCTA (Overseas Countries and Territories Association).

 

Un punto importante cu sr. Thijsen a trece dilanti ta cu OCTA lo tene nan conferencia ministerial na 2024 na Aruba y cu ya caba e preparacionnan a cuminsa pa organisa e conferencia aki.

 

Pa loke ta Union Europeo ta esencial pa mira cual fondonan ta disponibel pa Aruba y con pa haci uso mas mihor posibel di e fondonan aki. Pa duna mas informacion y claridad riba e tereno aki, Ministerio di BZK a organisa recientemente na Boneiro un workshop pa tur e seis islanan Hulandes, pa a duna e splicacion aki. Pa Arubahuis mr. Shandra John, hurista y assistente di e Representante de Union Europeo, a atende e workshop aki y den e cuadro ey a asisti sr. Thijsen durante di e presentacion na Prome Minister Wever-Croes, dunando un splicacion riba tur loke a bini dilanti durante di e workshop.

 

Premier Wever-Croes a gradici Minister Thijsen y sra. John pa e briefing riba e fondonan disponibel na Union Europeo cu sigur por beneficia Pais Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio