Tanki Leendert – Diabierna anochi rond di 8:30 polis y varios unidad di amulance a presenta panort di e rotonde nobo di Tanki Leendert, cu ta conecta cu WVB.
Polisnan na yegada mesora a tuma nota cu ta tratando di un accidente basta serio, entre 3 auto.
A bay over mesora pa cera e caminda di Tanki Leendert den ambos banda, debi cu e autonan tawata ariba caminda altura di e Cadushi Supermarket.
Un total di tres ambulance mester a presenta pa transporta tur esnan herida.
E autonan envolvi tawata un Nissan Tiida, un Suzuki Sx4 y un Kia Picanto.
Ariba imganennan cu polis a mira di e camara di siguridad di e supermarket por a mira cu e Kia Picanto biniendo for di nort lo ta esun cu a dal e Tiida prome.
Despues e Suzuki Sx4 bayendo nort ta dal contra e Tiida, mientras e Kia Picanto a keda benta pabou di caminda.
Testigonan a conta
For di testigonan na e sitio nos a compronde cu chauffeur di e Kia Picanto cu ta mustra ta esun cu a causa e accidente, ora cu nan a yega cerca e chauffeur lo tawata den boxer. Hunto cu ne segun testigonan, boter di e cerbes Guinness.
Por a mira cu e, esta e chauffeur di e Kia Picanto lo ta esun mas grave. Pero, e a wordo saca for di e auto na final y transporta cu urgencia pa Hospitaal.
Polis di trafico tambe tawata na e sitio y tambe Polis tecnico a yega pa saca potretnan necesario pa e investigashon.
