160
Alto Vista:
Diadomingo algo pasa di 5’or di atardi ambulance a bay cu sirena patras di Kapel di Alto Vista pa un accidente cu un UTV. Esaki a sosode riba e caminda patras di Alto Vista bay direcion panort, direcion di lama.
Polis tambe a wordo pidi na e sitio y na yegada nan a bin compronde cu un UTV a bolter y un dama cu tabata den e UTV a keda herida. E la fractura su brasa y tabata sangrando bastante. Hopi lihe e paramediconan di ambulance a prepar’e y a transport’e cu urgencia pa hospital.
Un otro persona mas cu tabata den e UTV a keda herida ambulance a duna e persona aki tambe atencion medico.
