Home » MINISTER ENDY CROES A PRESENCIA ACTO PROTOCOLAR DIA DI REY

MINISTER ENDY CROES A PRESENCIA ACTO PROTOCOLAR DIA DI REY

by Admin
0 comment 97 views

ORANJESTAD: Dia 27 di april ultimo, a celebra fecha natalicio di Su Mahestad Rey Willem Alexander. En conexion cu dia aki, Comision Celebracion Dianan Nacional hunto cu Comision Copa Hubenil Ganador Felipe B. Tromp a prepera un bunita ceremonia protocolar Dia di Rey na Parke Wilhelmina. Presente na e mainta protocolar tabata e.o. Su Excelencia Gobernador di Aruba, Alfonso Boekhoudt y su distinguido esposa, Prome Minister Evelyn Wever – Croes y su distinguido esposo, Vice Prome Minister Ursell Arends y su distinguida esposa, Minister Endy Croes acompaña pa su distinguida esposa, Minister Glenbert Croes y su distinguida esposa, Minister Xiomara Maduro, Minister Dangui Oduber y su distinguida esposa, Minister Rocco Tjon, Minister Geoffrey Wever, Presidente di Parlamento mr. Edgard Vrolijk, Parlamentarionan Ricky Hoek y Raymond Kamperveen, representante di Cuerpo di Marina Real y Cuerpo Consular.

Durante e ceremonia protocolar na honor di Rey Willem Alexander, Presidente di Parlamento, mr. Edgard Vrolijk a hiba palabra y a felicita Su Mahestad den nomber di e comunidad di Aruba. Despues, a sigui un bunita show di baile di grupo Dazzling Dancers. Su Excelencia Gobernador di Aruba, Alfonso Boekhoudt a otorga e premio Copa Hubenil Gobernador Felipe B. Tromp 2023 na e ekipo di BMX Rough Riders Aruba y na e hoben atleta Rebecca Jansen. Premio Estimulo a bay pa e hoben Angela Geerman. E mainta a clausura cu un bunita desfile di diferente grupo di padvinderij. Concluyendo, Minister Endy Croes ta gradici Comision Celebracion Dianan Nacional pa organisa e bunita ceremonia di Dia di Rey. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio