Avenida Nelson O. Oduber/ Sasaki.
Diabierna den careda di 6’or di atardi a sosode un accidente hopi serio cu a costa bida di un persona.
Un Honda pa un motibo of otro a perde control y a bay pega den un mata di Kwihi riba e berm memey di e camindanan.
Den e auto tabata tin un dama y dos mucha chikito. Un di e muchanan tabata pega den e auto. E situacion di e muchanan y e dama chauffeur tabata hopi critico, mesora a pidi pa presencia no solamente di polis si no di ambulance y materiaalwagen di brandweer tambe.
Polis mesora a cuminsa cera e camindanan y desvia e trafico mientras ambulance y brandweer tabata yegando na e sitio.
E paramediconan a saca e prome criatura, y mientras tanto cu brandweer tabata liberando e otro criatura cu su situacion tabata mas critico.
Lamentablemente un rato despues e paramediconan no por a haci nada mas pa e dama chauffeur, e la fayece na e sitio.
Ambulance a transporta e dos criaturanan cu hopi urgencia pa hospital. Pareha di e dama chauffeur tambe a presenta na e sitio.
Autoridad a pidi pa un doctor, pa slachtofferhulp pa asisti pareha di e victima y departamento tecnico di polis pa haci mas investigacion.
Brandweer tabata tin hopi dificultad pa a yega na e curpa sin bida di e dama chauffeur, nan mester a kita e portanan y e dak pa asina por a yega na e victima.
Keda pendiente pa mas informacion y mas imagen.
8