177
Rooi Afo:
Diabierna den careda di 3’or di atardi presencia di polis a wordo pidi riba e caminda di Rooi Afo, den e bocht un poco mas panort di e misa di Faith Revival pa un auto Kia Rio a bolter. Mesora a manda polis na e sitio.
Na yegada polis a bin topa cu e chauffeur femenino, e la splica polis cu e tabata biniendo di pazuid net na e momento cu un truck tabata biniendo di direcion contrario e la bay hala mas na su man drechi a dal contra un baranca y a bolter cu su auto.
Na prome instante polis a pidi pa presencia di ambulance pero e dama chauffeur no tabata desea asistencia medico. Polis a tuma tur datos y takelwagen a presenta pa hala e auto for di riba caminda publico.
