Dutch Caribbean Nature Alliance (DCNA) i su miembronan ta invitá tur habitante di Aruba, Boneiru, Kòrsou, Saba, Sint Eustatius i Sint Maarten pa partisipá na e ‘Big Live Nature Quiz’ riba djasabra 13 di mei, di 18.00 or pa 19.00 or. Siña mas tokante e bunita naturalesa hulandes karibense den e kwes akí ku ta grátis, online, live i interaktivo. E kwes ta na ingles, pero e preguntanan tin subtítulo na hulandes, papiamentu i papiamento tambe. Por hunga e kwes na un di e ubikashonnan partisipante òf online via Zoom. Partisipá bo so òf forma un tim ku maksimalmente 4 miembro di tur edat. E premio mayó ta un paseo riba barku di bela ku snòrkelmentu. Partisipashon ta grátis, pero registrashon ta obligatorio via http://www.biglivenaturequiz.org/.
E ‘Big Live Nature Quiz’ ta un evento ku ta bini bèk tur aña, ku nos a krea pa na un manera dibertido i interaktivo informá suidadanonan tokante naturalesa (konservashon di naturalesa), hasi nan orguyoso di nos naturalesa hulandes karibense, enkurashoná práktikanan ku no ta forma un peso pa nos medio ambiente, sostené proyektonan di protekshon di naturalesa i konektá hendenan den henter hulanda karibense ku otro. E kwes ta un real esfuerso multi-insular di tim: kreá i sostené di parti di e seis islanan hulandes karibense, inkluso e organisashonnan di maneho di áreanan protehá (Fundacion Parke Nacional Aruba, CARMABI Curaçao , Saba Conservation Foundation (SCF), Nature Foundation St. Maarten, St. Eustatius National Parks (STENAPA)), spònsernan (lokal) i Dutch Caribbean TV.
Kon pa partisipá
Partisipantenan por hunga online via Zoom for di kas ku nan amigunan i famianan. Òf bai na un bar òf restorant designá (Aruba: Battata Beach Bar, Bonaire: Hillside Bar & Restaurant, Curaçao: Grand Cafe Mahaai Saba: Chez Bubba Bistro, Sint Eustatius: Ocean View Terrace, St. Maarten: Dinghy Dock Sailors Bar) kaminda ta transmití e kwes ‘live’. Pa mas informashon, wak riba http://www.biglivenaturequiz.org/.
Reservá bo lugá
Partisipashon ta grátis, pero e timnan mester registrá adelantá riba http://www.biglivenaturequiz.org/.Tur hende ku ke partisipá na un ubikashon di transmishon ‘live’ mester reservá un lugá tambe na e ubikashonnan partisipante (wak akí riba).
Tema: bestia i mata ku ta bou di menasa
E kwes ta konsistí di 20 pregunta trivia sistema ‘multiple choice’. Tin pregunta tokante bestia i mata riba tera i den laman ku ta bou di menasa, manera turtuga, tribon i yuana. E kwes ta na ingles, pero e preguntanan tin suptítulo na hulandes, papiamentu i papiamento tambe.
No ta obligatorio pa prepará bo mes òf studia pa e kwes akí. Sinembargo, si bo ke tin mas chèns pa gana, bo por tira un bista riba e páginanan di e medionan sosial di DCNA: Facebook (Dutch Caribbean Nature Alliance) i Instagram (DCNAnature). Riba e medionan sosial di DCNA tin pregunta di prueba ku ta bini bèk den e kwes.
Premio
E premio mayó ta un paseo den barku di bela ku snòrkelmentu pa e tim ganadó. Lo tin otro premio lokal tambe disponibel.
Sigui ‘Big Live Nature Quiz’
Wak DCNA su Facebook (Dutch Caribbean Nature Alliance), Instagram (DCNAnature) òf http://www.biglivenaturequiz.org/. Pa mas informashon manda un email na [email protected].
Ministerio di Agrikultura, Naturalesa i Kalidat di Kuminda generosamente ta finansiá e ‘Big Live Nature Quiz’, i Nationale Postcode Loterij ta sostené aktividatnan di DCNA.
************************************************************************
Pa potrèt / video / poster: Habri e foyeto online >>> Big Live Nature Quiz Press materials
Bo ta kordialmente bonbiní na un di e ubikashonnan di transmishon riba djasabra 13 di mei 2023. Pa 7 or di atardi lo anunsiá e gran ganadó.
Pa mas informashon i entrevista bo por tuma kontakto ku:
- General: [email protected]
- Aruba: Fundacion Parke Nacional Aruba: [email protected]
- Boneiru: [email protected]
- Kòrsou: CARMABI Curaçao : [email protected]
- Saba: Saba Conservation Foundation (SCF): [email protected]
- St. Eustatius: St. Eustatius National Parks (STENAPA): [email protected]
- St. Maarten: Nature Foundation St. Maarten (NFSXM): [email protected]