Aruba, 24 di april 2023 – Aruba Bank ta orguyoso di anuncia e lansamento di su Campaña di Hipoteca, Realisa Bo Propio Cas, dedica na promove propiedad di vivienda accesibel pa cliente cu ta buscando pa cumpra, construi, of refinancia nan propio cas. E campaña ta diseña pa provee cliente cu plannan di pago ‘tailor-made’ y conseho di su expertonan den hipoteca.
E Campaña di Hipoteca ta parti di Aruba Bank su compromiso pa yuda e cliente realisa nan propio cas. Cu e campaña aki, Aruba Bank ta trata di empodera cliente pa bira doño di e cas di nan soño, sea cu ta un cumprado pa di prome biaha of un persona buscando pa upgrade nan cas existente.
Como parti di e campaña, Aruba Bank ta ofrece interes competitivo y diferente opcion di financiamento pa acomoda necesidad di nos cliente.
Banco ta ofrece e beneficio di ‘cumpra awor y cuminsa paga despues di 6 luna’ (Buy-Now-Pay-Later), cu ta varia entre 4.95% y 5.70%, y opcion te cu 30 aña di financiamento.
“Nos Campaña di Hipoteca ta un oportunidad fascinante pa e cliente logra e soño di un propio cas,” segun Sra. Edseline Leer, hefe di Division di Retail Banking di Aruba Bank. “Nos ta comprende cu ta doño di un cas, ta un inversion financiero significante, y nos kier haci esey mas realisabel y accesibel cu ta posibel pa nos clientenan.”
Aruba Bank su Campaña di Hipoteca tambe ta inclui acceso na experto di hipoteca cu por duna cliente conseho y guia personalisa durante henter e proceso di compra di un cas. E expertonan di hipoteca por yuda cliente compronde e proceso di solicitud di hipoteca, duna guia den seleccion di e opcion adecuado di financiamento, y yuda cliente crea un plan di pago cu ta fit su presupuesto.
Cliente cu un hipoteca aproba entre 1 di april 2023 y 30 di juni 2023, automaticamente ta participa pa gana AWG 15,000.
Aruba Bank tin e compromiso pa brinda clientenan e miho servicio y apoyo posibel, e expertonan di hipoteca ta aki pa yuda cliente tuma decision bon informa encuanto nan plan pa yega na nan propio cas.
Cliente cu ta interesa den siña mas tocante e campaña por bishita www.arubabank.com/hipoteca pa informacion adicional, y pa traha cita, click riba e boton “Make an appointment now” disponibel riba e pagina aki. Cliente por selecta un cita na nan sucursal preferi pa papia cu un experto di hipoteca.
Aruba Bank ta un institucion lider den financiamento na Aruba, cu compromiso di duna su clientenan solucion financiero innovativo y servicio superior. Cu mas di 95 aña di experiencia, Aruba Bank tin un trayectoria comproba di entrega balor na su clientenan y contribui na crecemento y desaroyo economico di Aruba.