Sero patrishi:
Diadomingo den careda di 3’or y 45 di marduga auto a pasa riba rotonde paperclip na Sero Patrishi ya bay dal contra e blokinan di e rand di caminda
Mesora polis a wordo pidi na e sitio. Na yegada nan a bin topa cu un dama tras di stuur di un Hyundai Tucson y a bin compronde cu e dama tras di stuur ta bou influencia. E dama tabata bayendo direccion di Cumanan y no a pone tino cu e tabata acercando e rotonde, y a pasa riba dje.
E la sigui core bay dal hopi duro contra e muraya di bloki cu tin memei di e caminda y a kap dos tire.
Asina mes e dama a sigui core algun meter mas, riba dos tire flat pero no a yega mucho leu. No a keda e dama chauffeur nada otro cu para su auto banda di caminda.
E polisnan na e sitio a haci test di alcohol cu e dama, kende despues di varios intento a logra supla, pero a surpasa e cantidad di alcohol cu ta wordo permiti.
E la wordo deteni pa core auto auto bou influencia y ocasiona dañonan na caminda publico.
Transportewagen di polis a presenta y a transporta e dama pa Warda di polis caminda un biaha mas lo haci test di alcohol cu e dama.
