139
Sabana Liber:
Diasabra den oranan di marduga a sosode un boksmento riba e caminda di Kudawecha pa rotonde di Noord na altura di e bahada na Sabana Liber.
Chauffeur di un Suzuki no a controla su velocidad na tempo y a dal tras di e auto su dilanti cu tabata un Toyota Corolla. Ambos auto a haya un poco daño material pero niun persona a resulta herida.
Pa tur siguridad polis despues di a atende cu e boksmento aki, a keda cu nan zwaailicht cendi na e sitio pa warda riba yegada di roadservice, mirando cu e caminda unda a boksmento a tuma lugar ta un sitio scur y e autonan biniendo di pariba no tin bon bista riba e caminda unda e accident a tuma lugar.
