117
Driemasterstraat – Diahuebs den oranan di merdia autoridad a presenta na un adres den Driemasterstraat, unda cu un familiar a bin topa un ser keri sin bida.
Na e sitio nos a compronde cu un yiu lo a bin topa su tata den un estado ya avansa di decomposition.
Aparentemente e cabayero aki lo a wordo mira of famia tawata tin contacto cu ne na cuminsamento di e luna aki y despues no a mir’e mas.
Instancianan concerni manera departamento tecnico di polis y tambe Slachtofferhulp a presenta na e sitio.
Mas despues dokter Texier a presenta pa constata morto y duna un ora.
Na final a presenta shersh di un cas funeral, cu tawata encarga pa bay cu e curpa.
Nos kier extende palabranan di condolencia na e famia.
