Home » Minister Ursell Arends: Ministerio di Naturalesa ta actualiza habitantenan di Simeon Antonio riba maneho di desperdicio

Minister Ursell Arends: Ministerio di Naturalesa ta actualiza habitantenan di Simeon Antonio riba maneho di desperdicio

by Admin
0 comment 110 views

 

 

Oranjestad – Dia 14 di april 2023, Ministerio di Naturalesa a organisa un reunion cu e comunidad di Parkietenbos y Simeon Antonio pa duna un update riba e maneho di desperdicio na Aruba. Durante e reunion a enfatisa cu cambio ta dinamico y cu por spera progreso continuo riba esaki.

 

Algun puntonan cu habitantenan a trece dilanti ta e hecho cu e peticion pa hindervergunning di Serlimar no ta poni cu ta pa afdekking. Aki  Minister Arends a indica cu Serlimar en realidad semper tabata tin mester di un hindervergunning  segun ley. Tambe a surgi preguntanan tocante e  autoridad di Serlimar pa sanea e ex-dump y preocupacionan pa loke ta trata Ser’i Teishi. Manera a yeg’icomunica anteriormente, Serlimar ta riba e bon caminda pa para riba su mesun pianan financieramente unda lo e ora tin oportunidad pa expande nan serviconan cual por incluid procesamento di desperdicio. Pa loke ta Ser’i Teishi, esaki ta un Sanitary landfill cual tabata un paso den e bon direccion a corto plaso enbes di tira sushi den aire liber – esaki no ta stop nos di ambicionnan a largo plaso teniendo na cuenta e herarkia di desperdicio y e diez principionnan di maneho di desperdicio.

 

Pa sanea e area di e ex dump Parkietenbos, Minister Arends y su team a confirma cu un destaho publico lo tuma luga, cu 6 miyon florin aloca pa e compania cu lo sanea e area. Tambe ta evaluando e posibilidad di un parke solar den forma di cooperativa, unda habitante por bira shareholders. Fuera di esey Minister Arends a comparti cu Witteveen + Bos cual ta un advies- en ingenieursbureau na Hulanda, lo bin Aruba pa atende cu e cero di desperdicio cu tin actual na Parkietenbos den tres fase: analisa posibilidad di mining, inicia proceso di capping y instalacion di parke solar.

 

Un otro update ta cu University of Georgia lo bin pa guia Aruba den un circular assessment protocol y pa introduci EPR y ta trahando riba un acuerdo cu NIVEL instituut pa un Health Impact Assessment. Den tur esey e paso pa garantisa un maneho duradero ta door di introduci Derecho di Naturalesa na Aruba. Esaki lo rekeri sosten di no solamente comunidad di Aruba pero sino tambe di parlamentarionan pa asina por pasa e ley aki. 

 

Minister di Naturalesa, Sr. Ursell Arends ta comprometi pa sigui traha hunto cu e comunidad pa crea un Aruba mas sostenibel y pa sigui duna informa riba e desaroyonan den e maneho di desperdicio.

 

– FIN –

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio