Bubali – Diadomingo mainta trempan alarma a wordo bati pa un accidente serio entre un patruya di polis y un Hyundai i10.
Na yegada di unidadnan di rescate, manera brandweer, ambulance y demas polis nan ta bin haya un Prado di cuerpo policial hinca parcialmente den mondi.
Mientras e otro vehiculo cu ta un Hyundai i10 keda un parti ariba caminda.
Na e sitio; di locual nos a compronde ta cu e patruya lo tawata bayendo direccion pariba esta warda di Shaba, ora cu e i10 a subi nan dilanti. Aki ta unda e patruya a dal contra e Hyundai den banda di e chauffeur. E agente lo a trata di evita e impacto, pero sin resultado.
Dos ambulance a presenta na e sitio; pa atende cu esnan herida tanto di e Hyundai y e polisnan.
Na final ambos ambulance a sali direccion Hospitaal cu esnan herida.
Specialista di trafico tambe a presenta, pa haci nan investigacion unda cu un auto di polis a keda total los y tambe un Hyundai i10.
Ta mustra cu tur esnan envolvi lo ta ok.
