52
Maracastraat – Diabierna anochi habitantenan di Tarabana specialmente esnan di Maracastraat a hayanan ta contempla un auto bieu na candela.
Esaki a hala masha hopi atencion, door di e humanan preto grandi cu esaki tawata saca.
Dos patruya a yega na e sitio, pa ripara cu tawata trata di un auto bieu, cendi na candela door di un adicto ambulante conoci den e Tarabana.
E problema tawata cu si no domina e candela e lo sigui expande y tin cas ey mes.
Brandweer a yega y den algun minuut bomberonan a domina e vlamnan grandi di auto bieu, cu a bira un atraccion un rato pa e habitantenan.
