Avenida Milo Croes – Diabierna anochi algo prome cu 9’or automobilistanan por a tuma nota di 2 van di seguro ariba e brug pariba di rotonde di Banco di Caribe.
Chauffeurnan tawata tira bista pa boksmento, pero niun auto tawata visibel. Pakiko e autonan no tawata visibel, tawata pa e motibo cu e auto envolvi a bay cay den rooi.
Pues tawata trata di solamente un vehiculo marca Chevrolet, maneha pa un cabayero. Polis di trafico cu a presenta na e sitio a papia cu e chauffeur.
E lo tawata tin poco dolor di curpa, pero asina mes no tawata desea asistencia medico.
Na e sitio nos a compronde cu e e auto tawata biniendo for di pariba, momento cu pa un of otro motibo e la sigui strit y ta dal contra e rand di e tubo di e brug.
Y despues a bay cay den e rooi. Mester bisa cu e impacto tawata basta fuerte, mirando con e dobla e hero di e brug; cu ta masha bieu mes.
