Home » PROYECTO HUNTO GRANDI GRANDI HUNTO (HGGH) A OFRECE WORKSHOP TOCANTE VULNERABILIDAD DI UN ADULTO MAYOR

PROYECTO HUNTO GRANDI GRANDI HUNTO (HGGH) A OFRECE WORKSHOP TOCANTE VULNERABILIDAD DI UN ADULTO MAYOR

by Admin
0 comment 124 views

Proyecto HGGH durante februari y maart a ofrece un serie di 7 workshop cu e tema Vulnerabilidad di un Adulto Mayor cu a termina Diahuebs ultimo.
Sra. Rosa Leon, “Gerontoloog”, coordinador di e Proyecto HGGH (bou auspicio di Fundacion Movemento ta Bida) conhuntamente cu Sra. Madelyne Ridderstap, “Begeleidingskundige” na Dept. di Asunto Social tawata e facilitadornan durante e workshop. A enfoca riba topiconan primordial y tambe topiconan secundario, pero sigur no di menos importancia
Diferente representantenan di esnan cu ta traha cu Adultonan Mayor tawata presente na e workshop aki, p.e. Casnan di Cuido, FAVI, Dagopvang, yiunan cu tin nan mayornan na nan encargo, representante di Grupo di 60+, trahadornan di un Cas di adulto mayor cu ta “speciaal” y un Welzijnsconsulent. Por bisa cu tur participante a bay cas cu un maleta yen di informacion, cu sigur lo ta di gran balor pa nan trabou cu nos adultonan mayor. Ariba e ultimo dia tur participante mester a compila un poster caminda ta reproduci tur locual cu a siña durante e 7 simannan cu a pasa. Esnan cu a participa tawata masha contento cu nan por a refleha conhuntamente riba e trabou cu adultonan mayor, como cu e ocacionnan pa risibi informacion specifico riba e topiconan aki ta masha scars na Aruba.
Danki na Fundacion Movemiento Ta Bida, Cede Aruba, Samenwerkende Fondsen, Departamento di Asuntonan Social y Proyecto Hunto Grandi Grandi Hunto pa hasi e workshop posibel. Por ultimo a gradici tur participante individualmente pa nan participacion y a ricibi un certificado di participacion.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio