170
Edisonstraat, Oranjestad:
Diamars algo prome cu 6’or di atardi a start un pelea riba caminda den Edisonstraat, tabata trata di e conocido adicto ambulante Dof y un muher. E pelea a bay for di man cu te hasta menasa cu machete a cay. Mesora a pidi pa presencia di polis.
Na yegada polis a bin topa cu un muher y Dof pleitando pafo, nan a bin compronde cu e problema tabata pa motibo di e pelea tabata pa via di un celular y te hasta menasa cu machete y pida biga a cay.
Polis a kita e machete cu e palo for di nan y esakinan a wordo confisca. E agentenan policial a papia cu tur dos y a conseha e homber pa bay recherche pa haci un denuncia.
