109
Cunucu Abou/Hato: Diabierna den careda di 5’or di atardi a sosode un otro accidente, riba e caminda di Cunucu Abou pa direccion di Hato. Un Hyundai Sonata shinishi, biniendo di pabou probablemente cu velocidad halto, a pone cu e chauffeur a perde control cu su auto, baha na banda drechi di caminda y dal den mondi.
Mesora a pidi pa presencia di polis, pa tuma datos, niun di dos ocupante tabata herida y no a causa niun daño material na otro propiedadnan of otro auto. Polis por a sigui su caminda y e doño di e auto lo keda di pidi un takelwagen.
E daño material causa na e auto si tabata considerabel.
