Home » Aruba asota pa candelanan di mondi; Brandweer man yen

Aruba asota pa candelanan di mondi; Brandweer man yen

by Admin
0 comment 134 views

Santa Marta – Dialuna den oranan di mainta Brandweer a bay Santa Marta unda e dam ta situa pa candela di mondi y di tire.

Na e sitio nos a mira cu e bomberonan tin un trabou riesgoso.
Pakiko nos ta bisa esaki ta debi cu unda e candela tawata di halto nan mester a baha pa combati esaki.

Pues e candela tawata den mondinan abou den e dam.

Candela mas pabou cerca di caminda

Durante cu nan tawata combatiendo e candela pariba den e dam grandi, mas pabou cerca di caminda un otro candela, cu te hasta a cuminsa pega un palo di luz; y strobando visibilidad di automobilistanan.

E huma dimes ta causa masha hopi molester mes pa habitantenan eybanda.

Polis tambe a presenta pa asina desvia trafico, pero na mes un momento sin realisa cu nan tambe ta inhalando e huma.

Candelanan rond di Aruba

Mester remarca cu for di weekend caba Aruba ta experenciando un cantidad di candelanan grandi di mondi.
Y e ta cuminsa mustra den direccion cu esakinan ta intencional, y Bomberonan tambe ta haci un apelacion na Polis pa tira bista rond.

Dialuna merdia, na San Nicolas Brandweer a wordo manda pa un otro candela di mondi grandi, unda cu na momento nan a paga un area y nan kere cu nan ta cla, otro parti ta “cende”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio