Druifbeach – Diadomingo atardi varios unidad policial y ambulance a bay altura di Tamarijn y Divi Hotel.
Ey nan polis a papia cu e persona cu a haya e dama aki di edad ta drief. E persona a sigui conta polis cu e la ripara cu e señora no tawata reacciona y mesora a lante y a trece tera, pa nan cuminsa practica CPR ariba dje.
Despues di un rato e dama a cuminsa reacciona, unda cu dokter den vecindario a controla su presion y esaki tawata bon.
A keda warda toch ariba Paramediconan cu a yega un poco rato despues y hunto cu polisnan a carge ariba un beach chair y despues pone ariba e brancard.
Paramediconan a tum’e over unda cu lo a sigui check kiko por a pasa e señora aki cu tawata tin hopi suerte di wordo haya door di un persona pasando ariba su Sea Doo. No ta conoci kiko por a pasa e señora aki.
Polis a bay Eerste Hulp despues, pa tuma tur dato y asina despues continua cu nan patruya.
Diadomingo 2 di april oficialmente campamento a cuminsa, y di parti Cuerpo Policial nan ta prepara pa cualkier eventualidad unda hendenan ta campando. Algun dia atras por mira cu agentenan a sigui un curso intensivo di Rode Kruis, pa duna prome auxilio si tin mester.
