Home » Aguanette Gunn parlamentario di MAS: Minister Arends pone bo palabranan bunita den practica

Aguanette Gunn parlamentario di MAS: Minister Arends pone bo palabranan bunita den practica

by Admin
0 comment 93 views

Pa ser exacto dia 26 di oktober 2022 mi a dirigi 6 pregunta na e minister di Transporte, Integridad, Naturalesa y ‘Ouderenzaken’, sr. Ursell Arends relaciona cu casnan di cuido pa personanan di tercer edad.  Su persona a tuma casi cinco luna pa contesta e preguntanan. Tin cu añadi cu den e lapso di tempo mi a manda e mandatario 4 recordatorio (rappel). Analisando e contestanan ricibi y e tardansa pa haci tal, ta laga un sabor amargo y ta ratifica e falta di seriedad, honestidad y respet di parti di e mandatario pa cu Parlamento.

Un di e preguntanan haci na minister Arends ta cu si su persona por comparti cu Parlamento e lista di espera di tur e casnan di cuido subsidia door di gobierno. E contesta ricibi ta cu e lista actualmente ta wordo revisa y actualisa pa por tin un bista real! Ta un ironia, pues den e carta cu SABA/CMCC a dirigi na e mandatario riba 14 di november 2022, e fundacion ta haci mencion cu tin 165 persona riba e lista di espera.  Ta e caso cu algun di e personanan di cual nan famia tin e posibilidad financiero a percura di interna nan sernan keri den un di e casnan di cuido priva, mientras cu kisas e cuido specialisa cu e persona tin mester no ta acopla cu e servicio cu por ser brinda. 

Ta e deber di e mandatario pa e splica cuanto e cifra indica door di SABA por a cambia y ta crucial pa e minister duna cuenta cuanto tempo mas lo tuma pa e departamento concerni revisa y actualisa e data. Na momento cu minister Arends a haya e cartera di adulto mayor na september 2021 el a pone enfasis cu su persona SI lo percura pa e adultonan mayor haya e atencion mereci. Mientrastanto 18 luna a pasa y ainda no tin nada concreto CON su persona lo bay ehecuta su vision. Pueblo ta cansa di scucha y of lesa palabranan bunita. Pa finalisa Parlamentario Gunn a subraya cu a yega momento pa minister Arends traduci su palabranan bunita den echo.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio