Home » Candela na Eagle; Un deposito na Blue Residence a kima

Candela na Eagle; Un deposito na Blue Residence a kima

by Admin
0 comment 211 views
Eagle: Dialuna den careda di 8 or y mey di anochi alarma a wordo bati na Blue Residence, despues cu a bin topa cu un deposito patras di e edificio na candela. E depostio aki tabata caminda nan tabata warda diferente material di plastic y cosnan quimico.
Mesora a manda varios unidad di polis y brandweer na Blue Residence. E personanan cu tabata mas cerca di e deposito a wordo evacua. E caminda dilanti Blue Residence a wordo cera pa trafico den ambos direcion. Esaki for di dilanti di Divi Phoenix te pa e rotonde panort di Amsterdam Manor. E candela tabata hopi grandi y tabata saca hopi huma, esaki lo tabata un di e motibonan cu polis hopi lihe a cera e caminda pa trafico, tambe durante cu brandweer tabata combatiendo e candela por a scucha un explosion basta fuerte.
Despues di mas cu mey ora ta combatiendo e candela brandweer tabatin e candela domina, pero despues toch a sigui spuit e depositonan pa tene nan frieu pa asina e candela no lanta cabes mas. Despues cu a logra di paga e candela un rato despues a cuminsa habri e otro depositonan cu tabata cerca pa controla den nan.
Mayoria di turista cu tabata hospedando na Blue Residence, a keda den nan condominium, algun tabata para ta mira kiko tabata pasando.  Despues cu brandweer a domina y a paga e candela, polis a habri e caminda bek pa trafico y varios patruya di polis a caba na e sitio, pero brandweer si mester a keda te ora cu nan ta sigur cu e candela a wordo completamente paga.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio