232
Balashi – Diadomingo anochi algo prome cu 9’or y mey di anochi polis a bay cu urgencia rotonde di Balashi pa un accidente unda un auto a bolter.
Na yedada polisnan a topa ariba banda pazuid di e rotonde cu ta bay pa San Nicolas un Honda Fit color blauw ariba su banda.
Banda di dje un Kia Rio color shinishi cu sla banda drechi dilanti.
Na e sitio polisnan a saca afo cu chauffeur di e Honda tawata pustando cu un otro auto.
Dado momento e lo a “perde control” y dal of pone cu e Kia Rio a bay boks tambe. E otro vehiculo cu tambe tawata pusta a sigui su caminda.
Chauffeur di e Honda Fit a admiti cu e no tin rijbewijs.
Polis di trafico a presenta y mester a warda basta rato prome cu takelwagen a presenta pa a bolter e auto bek y bay cu ne.
