Home » PROYECTO DI BABY BEACH TA KEDANDO CLA

PROYECTO DI BABY BEACH TA KEDANDO CLA

by Admin
0 comment 175 views

ORANJESTAD – Nos playanan na San Nicolas ta sigui conoce desaroyonan positivo. Minister di Turismo y Salud Publico sr. Dangui Oduber ta comparti cu trabounan na proyecto di Baby Beach ta avansando den gran forma. Un proyecto hopi importante cu ta forma parti di henter e masterplan cu tin den cuadro di e desaroyo hotelero den e area aki.
Actualmente Fase 2 di e proyecto di Baby Beach ta den pleno ehecucion. Por a tuma nota cu ya caba e banchinan pa basha tey caba pa e construccion di e parking lot. Segun informe pa otro siman lo bay asfalta esaki. E trapi cu tin na Baby Beach tambe ta den su fase di renobacion y falta di construi e muraya nobo ainda di e trapi. E proyecto di Baby Beach Fase 2 ta acapara un area di 6000 m2.
Tur e proyectonan aki ta bay percura pa eleva henter e area rond di e playanan aki teniendo na cuenta e importancia di conserva nos naturalesa, creando asina un desaroyo di embeyesimento di e area na un manera sostenibel.
Minister Oduber ta contento di mira con e proyecto ta desaroyando. Si tur cos sigui segun plan, Fase 2 di e proyecto mester wordo entrega den luna di april.
Minister Oduber a demostra cu accionan concreto y cu plannan con ta percurando pa upgrade producto Aruba. Manera ta ser bisa: “actions speak louder than words”

 

PROJECTO BABY BEACH
PROJECTO BABY BEACH
PROJECTO BABY BEACH
PROJECTO BABY BEACH

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio