Home » Caso di hincamento: Un grupo di hoben lo agredi y hinca un empleado na Moomba Beach

Caso di hincamento: Un grupo di hoben lo agredi y hinca un empleado na Moomba Beach

by Admin
0 comment 183 views

Palm Beach: Diasabra algo prome cu 9’or y mey di anochi, na Moomba Beach lo a surgi un problema caminda dos hoben di un grupo di 5 lo a agredi un empleado di e establecimento. Pa un of otro motibo dos di e hobennan lo a pasa man pa un botter y a surgi un problema cu a bay for di man, den cual lo a agredi y a hinca un empleado na su brasa. Mesora a logra wanta un di e hobennan aki, kende tabata un damita basta hoben, mesora lo a avisa polis y ambulance tambe. 

Varios unidad di polis a presenta na e sitio, e damita hoben cu nan tabata tin wanta na Moomba Beach, mesora a wordo deteni. Mesora polis a cuminsa cu un buskeda pa e resto di e hobennan aki. Por a mira polis buscando den area di Marriott, di Saliña Cerca y riba beach caminda polis lo a bin topa cu un otro sospechoso mas, e tambe a wordo deteni. E agentenan na e sitio a pidi pa transportwagen di polis pa hiba e dos sospechosonan pa warda di Strandpolitie. Segun nos a compronde  durante buskeda nan lo a detene un otro mas den area di Holiday Inn.

Ambulance tambe a presenta pa atende cu e victima, aparentemente ta trata di un manager di e establecimento cu a wordo hinca na su brasa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio