Home » Partido MEP: Awe pueblo mes por husga cu partido AVP no tin liderasgo ni madures pa goberna nos pais

Partido MEP: Awe pueblo mes por husga cu partido AVP no tin liderasgo ni madures pa goberna nos pais

by Admin
0 comment 84 views

 

 

Na momento cu parlamentario Mike de Meza a dicidi di papia berdad y conta e historia real kico a pasa den caso Tofanelli, cu ta su persona basa riba veredicto di 3 huez den Hoger Beroep, conseho di abogadonan di casacion y conseho di abogado di gobierno sr. Lejuez dfm a dicidi di hala’den e caso di vrijwaring paso mirando e sentencia di 3 huez cu tin un contracto legitimo y no tin kiebro di ley di Contabilidad, no tabatin necesidad mas pa sigui y sigur e conseho negativo di casacion a haci cu no a sigui procede pero a opta pa yega na un acuerdo di pago na Tofanelli. Esaki a desemboca den un pleito feroz paso sra. Gerlien Croes y sr. Ryçond do Nacimento kier pa sr. Mike de Meza pidi disculpa pa a papia berdad. 

 

Falta di liderasgo y madures pa goberna Aruba

Un cos cu a resalta ta e falta di liderasgo di AVP unda sr. Mike Eman – enbes di yama su muchanan di kindergarden aden y hala nan atencion pa haci drechi – ta laganan sigui bay haciendo nan mes ridiculo. Kizas esey ta e plan di sr. Eman pa laga nan humiya nan mes? Un cos ta sigur, AVP ta leu di por liderisa y goberna e pais aki manera sra. Evelyn Wever-Croes a bin ta haci, unda cu e dama balente aki ta afronta tur reto di su pais cu hopi firmesa y ta tuma decisionnan na bienestar di Aruba y su partido.

 

Papia berdad den AVP ta fin di mundo 

Normalmente ta papia di caida di un gobierno pero nunca antes a tende di un caida di un partido den oposicion. Den AVP mes no tin union y sr. Mike Eman awo ta depende di su otro tres miembronan di fraccion di oposicion pa por surpasa e caida di su partido di oposicion, esta e ta depende di e aliansa cu MAS y ACCION 21. 

Pero un cos a resalta, cu na momento cu bo papia berdad den AVP nan ta cla pa crucificabo y esaki a ser comproba ora cu sr. de Meza pa papia berdad, ata sra. Gerlien Croes y sr. Rycond do Nacimento a perde cabes y ta hasta exigi pa e rectifica paso el a papia berdad.

 

Pa termina bo ta wak cu oposicion ta den decadencia total y hasta den norma y balor. Un partido social cristian, unda cristianismo mester ta na prome lugar, a resulta cu e fundeshi di AVP ta gañamento, falta di norma y balor, corupcion, labamento di placa (wak caso Paul y Benny) y abuso di poder. Pues un partido destructor pa pais Aruba den tur sentido di palabra y unda pueblo tin di keda leu di AVP pero tambe di tur su satelitenan manera ta partidonan MAS y ACCION 21. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio