199
Papilon – Dialuna atardi varios unidad di brandweer y polis a bay Papilon pa un candela cu den un rato a bira grandi y cuminsa menasa casnan rond.
Un candela cu segun nos a compronde a wordo cendi intencionalmente.
Brandweer a wordo pidi cu urgencia y a yega tambe na tempo, unda cu rapidamente a domina e candela cu tawata hopi grandi.
Ultimamente brandweer ta hay’e confronta cu varios candela di mondi, cu realmente ta cuminsa mustra cu nan cendi door di un hende, mescos esun aki na Papilon.
