Home » Bringamento formal den fastfood restaurant na Palm Beach

Bringamento formal den fastfood restaurant na Palm Beach

by Admin
0 comment 175 views

Palm Beach – Diahuebs atardi den careda di 6’or polis a wordo pidi na un fastfood restaurant situa na Palm Beach, unda cu aparentemente lo tawata tin un caso di ladronicia y bringamento.

Na yegada di polis nan a papia cu un representante di e fastfood chain y a splicanan cu diripiente a start un pelea den e luga dilanti tur cliente.
E pelea tawata entre dos hende homber cu lo ta pareha.

Segun nan informacion, basta golpi a cay den e bringamento a benta refresco di cliente abou, bashando esaki ariba vloer.

Polis na e sitio no a topa mesora cu e pareha, pero despues di un rato a bin hayanan y a papia cu ambos. Nan tawata mustra basta altera.

Eynan polisnan a splicanan cu den e luga no ta e luga pa bay discuti y caba na bringamento.
Agentenan a ripara tambe cu un di e cabayeronan tawata bou influencia.

Na final autoridad a bisanan tambe ariba e consecuencia si nan sigui cu nan comportamiento di bringa ariba caya. Un di nan tawata keha di dolor door di e moketenan cu e la ricibi di su pareha.

Ta mustra cu nan a compronde bon locual a wordo treci dilanti y por a mira cada uno a sigui nan caminda.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio