Home » “Aplicacion a habri pa Basis y Mavo na SKOA” 

“Aplicacion a habri pa Basis y Mavo na SKOA” 

by Admin
0 comment 67 views

 

 

Oranjestad, Aruba: Aplicacion a habri na SKOA pa cuminsa inscribi muchanan cu ta bay cuminsa basis y mavo. Mayornan por inscribi nan yiunan di awo caba na un scol di SKOA pa asina sigura nan luga e proximo aña escolar.

 

Dicon SKOA?

SKOA ta e organisacion di educacion di mas grandi na Aruba y ta enfoca ariba e desaroyo y crecemento general di cada mucha. SKOA ta ofrece educacion di calidad halto cu ta enfatisa balornan Catolico, comunicacion na nivel multi lengual, diversidad, inovacion y actividadnan extra-curicular. Muchanan cu ta bay un scol di SKOA por spera di ricibi un educacion completo cu ta preparanan pa nan futuro.

 

Aplica completamente digital!

Por aplica via website www.skoa.aw pa asina inscribi completamente online. Por aplica via email na [email protected]. Por aplica via WhatsApp na +297 748 5995 y sigui e pasonan pa completa e aplicacion. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na un scol di SKOA por haci aplicacion di e yiu cu ta bay cuminsa basis via nos systema di SAS.

 

Contribucion di mayor

E tarifa di contribucion di mayor pa e proximo aña escolar pa basis y mavo:

  • Pa basisschool schoolgeld ta Awg. 275,- y aircogeld ta Awg.150,-
  • Pa mavoschool schoolgeld ta Awg. 350,- y aircogeld ta Awg.150,- 

 

Pa por completa aplicacion pa aña escolar nobo di 2023-2024, mester cumpli cu e rekisito di SKOA cu ta rekeri e contribucion di “schoolgeld y airco geld” di 2022-2023 ta completamente paga. Mayornan cu ta desea un areglo di pago por haci peticion entrante 1 di April 2023. 

 

SKOA tey pa guia tur mayor durante e proceso di aplicacion. Pa mas informacion bishita nos website www.skoa.aw por yama nos directo na (+297) 523 1800 durante orario di oficina.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio