Home » Den situacion critico manehador di Harley a wordo transporta pa Hospitaal

Den situacion critico manehador di Harley a wordo transporta pa Hospitaal

by Admin
0 comment 102 views

Sero Patrishi – Dialuna pa ta exacto mey anochi un accidente hopi serio a keda raporta ariba e caminda di Sero Patrishi pa Paradera.

Varios unidad policial a bay cu urgencia altura di e mall di Chaly pa un accidente basta serio entre auto cu brommer.

Na yegada di patruya ya tawata tin un Ambulance na e sitio, dunando e manehador di e brommer prome auxilio. No tawata tin ningun auto envolvi.

Locual cu ta mustra cu a sosode

Polisnan a bin topa cu un Harley y su manehador, cu segun testigonan lo ta pertenece na e un di clubnan di Harley ariba e isla. Segun un testigo, e manehador lo tawata tin su vest di e club bisti.

E brommer tawata bayendo direccion Paradera, momento cu for dilanti di e mall di Chaly e la cuminsa baha caminda y bay na su man drechi.
E lo a keda core y un 10 pa 20 meter mas dilanti e ta dal contra un palo di luz, y bay cay algun meter mas leu.

Por a mira con Paramediconan a rush cu e manehador mirando e golpinan fuerte cu e lo a ricibi na cabes.
Un segundo ambulance tambe a yega cu urgencia pero ya e prome Paramediconan a lanta e manehador y pone den ambulance y sali cu rapidamente pa Hospitaal.

Parse cu e ambulance tawata algun minuut patras di brommer momento cu e la accidenta, cu a haci cu mesora Paramediconan a drenta den accion ora cu a topa cu e brommer benta.

Specialista di trafico a wordo avisa y tambe Elmar.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio