Polis no por haci nada: Pedofiel sentencia ta bully dos victima menor di edad y cherche nan mayornan

Tanki Leendert – Diahuebs den oranan mainta pa merdia polis di Playa mester a bay atende un problema basta fastioso na un adres na Tanki Leendert.
E problema tawata relaciona cu un caso di Pedofiel di algun aña atras.

E homber Peruano Luis A.B Arana a wordo sentencia pa Pedofilia algun aña pasa. Total e la sinta 6 luna so.
Luis a mishi cu dos ruman tempo nan tawata tin 7 y 9 aña. Nos a compronde cu e muchanan aki ainda ta menor di edad y ta bisiña di e homber, cu ta haci e situacion  mas dificil.

Aunke cu e homber no ta biba na su cas y a huur esaki, diahuebs mainta e la bin eynan, esta na e cas cu e tin na huur.

Momento cu e la yega eynan, net e menornan di edad tawata pafo.

Aki ta unda cu nos kier a yega cu e noticia aki.
Luis A.B. Arana manera nada no a pasa a cuminsa hari e muchanan den un forma di cherche/bully.

Esaki a bolbe  lamta e trauma cerca  e muchanan cu a bira mas grandi, pero ainda ta menor di edad.. E muchanan a bay den panico y a cuminsa grita yora.

Esey no tawata tur, ora cu mayornan di e muchanan a bis’e pa e bay di eynan, e la cuminsa chercha nan tambe cu un smile diabolico ariba su cara.

E la cor’e bisanan cu e lo bay yama polis y a core bay sconde den su auto, un Kia Rio.  Famianan a blokea e auto te ora cu polis a yega. Mirando cu ora ta pasa y niun polis a yega, e homber mes no lo a yama polis, e mama di e muchanan mes a dicidi di yama Central di Polis y bisanan kiko a caba di sosode na e adres.

Mientrastanto e Luis Arana sinta den su auto tawata keda saca potret di tur hende cu a yega na e sitio.

Na yegada di polis, un polis a bay atende cu e homber sinta den e auto y e otro a bay atende cu e famia.

Lamentablemente nada no por wordo haci

Polis a scucha e mama y tata cu tabata hopi desespera, pero a bisanan cu ta un situacion dificil paso e tereno ta di e homber y no por kite di yega eynan.

Locual a haci dolor y indignacion na esnan presente ta cu como autoridad no tin nada cu nan por a haci cu homber aki.
No a keda polisnan nada otro pa bise pa e move di e sitio, pa evita un escalacion.

Den e sentencia ta poni duidelijk cu momento e sali di KIA e no tin mag di tin nada di contacto cu e muchanan y ni e mama(bisiña).
Diahuebs mainta e la viola locual ta poni den su sentencia.

Homber cu a mishi cu mucha muher condena na castigo combina

Durante cu polisnan tawata atende e caso aki, doño di un Speelschool bisiña tambe a vocifera cu e agentenan cu nan niun no kier e homber ey banda, mirando cu e locual a sosode diahuebs mainta ta haci cu e ta un Predator di mucha.

Por a mira tambe cu e Speelschool su cura ta halto cera cu heki, pa asina proteha e criaturanan.