85
Arashi: Diabierna den careda di 10’or y 45 di mainta un dama cu tabata un pasahero di un cruiseship a haya problema den lama na Arashi, mesora a pidi pa presencia di ambulance y polis cu hopi urgencia. Algun persona mesora a cuminsa na reanima e dama aki, mientras tabata wardando riba yegada di ambulance.
Ambulance hopi lihe a yega na e sitio y mesora e paramediconan a tuma over y asina a sigui reanima e dama. Polis tambe a presenta na e sitio. E paramediconan a pone e dama riba e brandcard y cu hopi urgencia nan a transport’e pa hospital.
Lamentabelmente na yegada na hospital, e dama a fayece, no a keda e dokter nada otro di constata su morto. Slachtofferhulp tambe a wordo pidi pa asisti e famia na hospital.
