Oranjestad – 30 di november 2022: Durante luna di November Aruba Bank a celebra nan Luna di Aprecio pa Empleado 2022 (Employee Appreciation Month).
E luna di aprecio a inicia for di dialuna 7 di november cu un encuentro virtual. Els Avontuur, CEO – ORCO Aruba Holding, a inicia e encuentro virtual y a duna palabra di danki y enfatisando e importancia di traha hunto. Siguientemente, empleadonan na tur sucursal a ricibi un dushi desayuno.
E tema di e Luna di Aprecio e aña aki tabata SUCCESS. Durante di 3 siman a organiza diferente actividad cu e meta principal pa tur departamento traha hunto, pa menciona algun actividad cu e Departamento di Recurso Humano a organiza ta, “Wednesdays are for games – Game Day”, “Focusing on You sessions” y “Art expresion”. Ademas tabata tin diferente momentonan di sorpresa, dushi treats y un sabroso “Thanksgiving lunch”.
Gerencia di di Aruba Bank, un biaha mas, ta felicita y gradici cada empleado pa e tremendo trabou durante 2022.
