Dama levemente herida, despues di un explosion chikito

Wabistraat – Diamars den oranan di anochi polis a bay cu urgencia Wabistraat situa na Ponton, unda cu lo tawata tin un explosion.

Dos unidad policial a yega e adres unda cu un dama lo tawata esun herida.

Agentenan na e sitio a topa cu e persona cu ta un hende muhe, y danki Dios a nota cu e ta ok.
Pues nan no por a mira nada visibel di herida, si e dam a bisa cu su man e ta sinti.

Mesora a cera e boter di gas, cual tawata hole bastante.

Pa tur siguridad a pidi pa brandweer y ambulance. Brandweer a haci su control pa mira si tur cos safe y Paramediconan a controla e muhe na e cas mes sin cu tawata mester bay cu ne Hospitaal.

Con e explosion mes a sosode no ta mucho duidelijk, tawata wordo papia cu ora e persona a yega su cas algo a explota.