Home Local Centro di Bario Savaneta ta celebra Dia Internacional di Derecho di Mucha

Centro di Bario Savaneta ta celebra Dia Internacional di Derecho di Mucha

SHARE

Dia 20 di november ta Dia di Mucha y ful rond di nos isla ta pone atencion na esaki y Centro di Bario Savaneta ta organisa un actividad gratis pa tur nos muchanan.

E tratado Derecho di Mucha ta un di e tratadonan di Derecho Humano cu ta duna un mucha, como grupo special y vulnerable, mas derecho; porhempel proteccion y cuido special. Ta importante pa nos muchanan ta sintinan sigur y stima tur dia di nan bida.

Diadomingo 20 di november nos ta bay tin diferente area unda nos muchanan por bin pasa un rato ameno den nos centro. Den e sala grandi lo ta bay tin wega di mesa, den e patio lo ta bay tin Dinojump pa nos muchanan. Riba veld deportivo ta bay tin; wega popular, obstacle course y wega deportivo. E actividad
ta di 3 pa 6 pm y ta gratis pa un y tur. Muchanan por bin cu nan boter di awa, nos lo tin jug available pa yena nan. Bar y cushina ta bon surti.

Danki na Stichting Hungateca y Reach Your Goal Foundation pa ayudo cu material. Tambe na Fundacion Muher Briyante, Proyecto Tur cos ta Posible y Mariniers Kazerne pa ayudo cu lider.

Nos kier invita henter pueblo di Aruba en particular nos muchanan pa pasa Centro di Bario Savaneta y disfruta di tur wega cu lo bay tin.
‘Like’ nos Facebook page: Centro di Bario Savaneta y click ‘Follow’ pa asina sigui nos y keda na altura di tur nos actividadnan. Pa mas informacion di actividad, por manda un email na actividad.cbs@gmail.com of tuma contacto cu Roseline via whatsapp na 569-3900.