Cu sumo placer y honor nos ta anuncia e official incorporación (statuten) di nos organizacion CUSA, “Caribbean Umpires and Scorers Association”. Diabierna 28 di Oktober 2022, pa 3 pm na oficina di Notario Helmeyer e firmamento official di nos statuten a worde realiza pa asina legitimiza nos organizacion.
CUSA su Directiva ta consisti di esigiente persona nan manera; President Sr. Edson Louisa, Tresorero Sr. Carlos Benjamin y Secretario Sr. Rolando Halman. Otro miembro nan di Directiva ta Sr. Francis Maduro, Sr. Giovanni Muelens y Sr. Elvis Mayers. CUSA su nomber anteriormente tawata AUSA (Aruba Umpires and Scorers Association) un movimento cu a inicia un algun anja nan pasa ora un grupo di Umpires a bini hunto cu menta y intencion pa establece un guia pa Umpires y Scorers y pa fortalece e nivel di nan. Pa mehora nan habilidad e agilidad pa ta un mihor Umpire o Scorer pa weganan di baseball y softball en general.
Eventualmente e organización a mester cambia su nomber di AUSA pa CUSA pa asina refleha nos interes, afiliacion y miembrocia Internacional.
E objetivo di e organizacion a pa promove, proteha, encurasha, educa y motiva nos miembro nan y pa atrahe miembronan nobo – pa bira Umpires y/o Scorers.
Nos kier felicita y desea CUSA tur classe di exito, na Januari 2023 nos organizacion lo su prome reunion anual.
Pa mas informashon acudi na nos pagina di facebook of manda nos un email [email protected]