115
ORANJESTAD, Aruba – 17 November 2022: Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y CEO di AHATA, Tisa LaSorte, ta raporta cu e ocupacion di hotel y RevPAR averahe pa e prome 10 luna di 2022 ainda no a yega nivel di 2019.
OCTOBER 2022:
- Ocupacion: E grado di ocupacion tabata 74%; representando un recuperacion di 96% compara cu nivel di ocupacion na 2019.
- ADR: E balor averahe di cada camber bendi tabata $ 270.42, cual ta 23% mas cu na 2019.
- RevPAR: E entrada averahe pa tur camber disponibel tabata $ 199.04, cual ta un aumento di 19% compara cu RevPAR di October 2019.
AVERAHE DI PROME 10 LUNA DI 2022:
- Ocupacion: E ocupacion averahe di prome 10 luna tabata 74%; un recuperacion di 87% compara cu 2019.
- ADR: E balor averahe di cada camber bendi tabata $300.79, cual ta 10% mas cu na 2019.
- RevPAR: E entrada averahe pa tur camber disponibel tabata $221.73, cual ta un recuperacion di 96% compara cu RevPAR di prome 10 luna di 2019.
PROYECCION:
Ta proyecta un recuperacion di 88% pa luna di November y expectativa pa ful aña 2022 ta un recuperacion di 88% compara cu 2019.
Ocupacion na propiedadnan Timeshare tabata 85% na October .